Matargleði Evu: Ljúffeng súkkulaði brownie og kaffiís

Í síðasta þættinum af Matargleði Evu á Stöð 2 útbjó hún eftirrétt sem sameinar súkkulaði og kaffi og er hann algjörlega fullkominn að hennar mati.

Hún gerði ljúffenga súkkulaði brownie og einfaldasta ís í heimi, kaffiís en hann passar mjög vel með nýbakaðri köku. 

Neðst í fréttinni má sjá hvernig Eva Laufey Kjaran Hermannsdóttir fer að og hér að neðan er nákvæm uppskrif:

Brownies uppskrift:

 

• 150 g smjör
• 250 g súkkulaði t.d. suðusúkkulaði 
• 200 g sykur 
• 2 stór egg 
• 100 g hveiti
• 1 tsk vanillusykur 
• 2 msk kakó
• 70 g hnetur/möndlur
• 70 súkkulaðibitar/dropar

 

Aðferð: 

 

1. Hitið ofninn í 170°C (blástur).
2. Bræðið smjör við vægan hita, saxið súkkulaðið og bætið því við smjörið og leyfið því að bráðna í smjörinu. Takið pottinn af hellunni og leyfið súkkulaðiblöndunni að kólna. 
3. Þeytið saman egg og sykur þar til blandan verður létt og ljós. Bætið vanillu, hveiti og kakó saman við og hrærið þar til deigið er silkimjúkt. Hellið súkkulaðiblöndunni varlega saman við og setjið saxaðar möndlur/hnetur og súkkulaðibita saman við með sleikju.  
4. Hellið deiginu í pappírsklætt form (20x20. Bakið við 170°C í 30 mínútur. Berið strax fram og njótið.

Kaffiís

 

• 5 eggjarauður
• 10  msk sykur
• 400 ml rjómi
• 3 msk kaffiduft (ég notaði cappuccino duft)
• 150 g súkkulaði, smátt saxað
• 1 tsk vanilludropar

 

Aðferð: 

1. Þeytið saman eggjarauður og sykur þar til blandan verður létt og ljós.
2. Hrærið léttþeyttum rjóma saman við með sleikju. 
3. Bætið kaffidufti, söxuðu súkkulaði og vanilludropum við og balndið vel saman. Hellið ísblöndunni í skál og inn í frysti í nokkrar klukkustundir. Berið fram með kökunni.