400 hestafla VW Golf R í júní

Volkswagen kynnti Golf R 400 concept tilraunabíl fyrir tveimur árum síðan en hefur gefið það í skyn að slíkur framleiðslubíll verði kynntur innan tíðar. Tilefnið er ef til vill 40 ára afmæli Golf GTI bílsins og haft hefur verið eftir að þessi bíll verði kynntur í maí eða júní og líklegast er talið að það verði gert á Goodwood Festival of Speed í Wörthersee í Austurríki.

Golf R 400 var kynntur til sögunnar á bílasýningunni í Peking árið 2104 með 2,0 lítra og fjögurra strokka vél með forþjöppu. Sá bíll var fjórhjóladrfinn eins og hefðbundinn 300 hestafla Golf R bíllinn, en þessi Golf R 400 var litlar 3,9 sekúndur í hundraðið og er því eiginlega kominn í flokk ofurbíla og skilur flesta sportbíla eftir í rykinu.

Hámarkshraði bílsins var 280 km/klst og skiptingin 6 gíra DSG-sjálfskipting. Ekki er alveg ljóst hvort þessi vél verði í framleiðslubílnum og ekki loku fyrir það skotið að henni verði skipt út fyrir 2,5 lítra og 5 strokka vélinni sem finna má í Audi RS3 og í honum skilar hún 420 hestöflum. Auðvitað má vélin ekki skila fleiri hestöflum í Golf R 400 en í Audi bílnum, enda Audi RS3 dýrari bíll og Audi merkið skörinni hærra í virðingarstiga Volkswagen bílafjölskyldunnar.