Eygló nálægt Íslandsmetinu

Síðasti keppnisdagur Íslandsmótsins í sundi í 50 m laug fór fram í dag og féll eitt Íslandsmet. Það var í 4x50m skriðsundi í flokki blandaðra kynja en sveit SH2 kom þá í mark á 1:40,32 og stórbætti gamla metið, sem var einnig í eigu SH.

Ólympíufararnir Eygló Ósk Gústafsdóttir og Hrafnhildur Lúthersdóttir unnu sigra í sínum greinum í dag en Anton Sveinn McKee gat ekki tekið þátt í sinni sterkustu grein, 200m bringusundi karla, þar sem hann fór af landi brott í morgun.

Eygló Ósk var nálægt Íslandsmeti sínu í 50m baksundi er hún synti á 28,82 sekúndum en tveggja ára gamalt met hennar í greininni er 28,61 sekúnda.

Sterkasta sundfólk landsins er að undirbúa sig fyrir EM í London í næsta mánuði og því í stífum æfingum þessa dagana, sem skýrir hversu fá met hafa fallið um helgina.

Íslandsmeistarar dagsins:

400m fjórsund kvenna: Hrafnhildur Lúthersdóttir 4:52,30 mín.

400m fjórsund karla: Baldvin Sigmarsson 4:50,79 mín.

50m flugsund kvenna: Ingibjörg Kristín Jónsdóttir 27,92 sek.

50m flugsund karla: Ágúst Júlíusson 25,61 sek.

200m skriðsund kvenna: Bryndís Rún Hansen 2:03,68 mín.

200m skriðsund karla: Kristófer Sigurðsson 1:54,24 mín.

50m baksund kvenna: Eygló Ósk Gústafsdóttir 28,82 sek.

50m baksund karla: Kristinn Þórarinsson 26,31 sek.

200m bringusund kvenna: Hrafnhildur Lúthersdóttir 2:26,71 mín.

200m bringusund karla: Viktor Máni Vilbergsson 2:22,30 mín.

800m skriðsund kvenna: Bára Kristín Björgvinsdóttir 9:14,45 mín.

800m skriðsund karla: Þröstur Bjarnason 8:35,60 mín.

4x100m skriðsund kvenna: Ægir 1 3:54,60 mín.

4x100m skriðsund karla: ÍBR 1 3:32,35 mín.

4x50m skriðsund blandað: SH2 1:40,32 mín.