Selfoss komið í Olís-deildina | Myndir

Selfoss tryggði sér í kvöld sæti í Olís-deild karla næsta vetur eftir magnaðan sigur, 24-28, á Fjölni í oddaleik.

Það var frábær stemning í Dalhúsum í kvöld og um 1.000 manns troðfylltu húsið og mynduðu svakalega stemningu.

Fjölnir var með þriggja marka forskot, 19-16, þegar 19 mínútur voru eftir af leiknum en í kjölfarið hrundi leikur þeirra og Selfoss gekk á lagið.

Selfoss komst fyrst yfir 20-21 og lét þá forystu aldrei af hendi. Frábær lokakafli hjá þeim.

Fjölnir-Selfoss  24-28

Fjölnir: Breki Dagsson 5, Björgvin Páll Rúnarsson 4, Sveinn Þorgeirsson 3, Kristján Örn Kristjánsson 3, Bjarki Lárusson 3, Kristján Þór Karlsson 3.

Selfoss: Eyvindur Hrannar Gunnarsson 7, Elvar Örn Jónsson 5, Atli Kristinsson 3, Sverrir Pálsson 3, Þórir Ólafsson 3, Guðjón Ágústsson 2, Teitur Örn Einarsson 2, Andri Már Sveinsson 2.