Edda, Mist og Rakel halda uppi heiðri kvenna meðal nýrra UEFA A þjálfara

Ísland eignaðist 24 nýja UEFA A þjálfara um síðustu helgi þegar fræðsludeild Knattspyrnusambands Íslands útskrifaði 24 manns sem hafa unnið að því að fá þessa þjálfaragráðu síðan í september 2015.

Námskeiðið hófst í september 2015 þegar þjálfararnir leikgreindu leiki í Pepsi-deild karla og lærðu í kjölfarið á leikgreiniforritið Sideline Analyser.

Niðurstöður leikgreiningarinnar kynntur þeir síðan í Danmörku en þangað fór hópurinn í viku námsferð í október. Mikil áhersla var lögð á áætlanagerð og tímabilaskiptingu á námskeiðinu og þjálfararnir skiluðu ársáætlun fyrir sitt lið um miðjan desember.

Í janúar unnu þjálfararnir í smærri hópum þar sem þeir horfðu á hvern annan að störfum, undir stjórn leiðbeinanda frá KSÍ.

Knattspyrnusamband Íslands sagði frá þessu á heimasíðu sinni og þar kom fram hverjir þessir 24 þjálfarar eru sem státa nú af KSÍ A/UEFA A þjálfaragráðu.

Það eru aðeins þrjár konur í hópi þessara 24 þjálfara en það eru þær Edda Garðarsdóttir, Mist Rúnarsdóttir og Rakel Logadóttir.

Edda Garðarsdóttir þjálfar lið KR í Pepsi-deild kvenna og Rakel Logadóttir hefur verið annar af sérfræðingunum í Pepsi mörkum kvenna á Stöð 2 Sport.

Tveir leikmenn úr Pepsi-deildinni voru meðal þeirra sem útskrifuðust að þessu sinni en það eru þeir Andri Fannar Stefánsson hjá Val og Ólafur Páll Snorrason hjá Fjölni.

Eftirtaldir þjálfarar útskrifuðust:

Adólf Bragason

Alfreð Elías Jóhannsson

Andri Fannar Stefánsson

Atli Sveinn Þórarinsson

Dusan Ivkovic

Edda Garðarsdóttir

Eiður Ben. Eiríksson

Einar Guðnason

Einar Lars Jónsson

Fannar Berg Gunnólfsson

Guðmundur Brynjólfsson

Hákon Sverrisson

Júlíus Ármann Júlíusson

Magnús Örn Helgason

Mist Rúnarsdóttir

Ólafur Páll Snorrason

Óskar Hrafn Þorvaldsson

Rakel Logadóttir

Sigurður Þ. Sigurþórsson

Stefán Gíslason

Tommy Nielsen

Tryggvi Björnsson

Viðar Jónsson

Þórhallur Dan Jóhannsson