Eitt Tweet Elon Musk lækkaði hlutabréf í Samsung um 71 milljarð

Risafyrirtækið Samsung í S-Kóreu er stór framleiðandi rafhlaða og sú umræða hafði verið á reiki að Tesla myndi kaupa rafhlöður af Samsung í bíla sína. Forstjóri Tesla, Elon Musk tók af allan vafa um þetta með einu litlu Tweeti.

Það Tweet hafði þó meiri eftirköst en nokkurn óraði fyrir, en í kjölfarið lækkuðu hlutabréf í Samsung um 580 milljón dollara, eða 71,3 milljarða króna.  Var það 8% lækkun bréfanna. Tesla hefur hingað til keypt rafhlöður frá Panasonic í bíla sína en mun þó á næstunni hefja framleiðslu eigin rafhlaða í risastórri rafhlöðuverksmiðju í Bandaríkjunum.

Sú verksmiðja er reyndar byggð í samstarfi við Panasonic. Ekki bara varð þessi tilkynning Elon Musk til þess að lækkað hlutabréf í Samsung um 8%, heldur hækkuðu bréf í Panasonic um 3%. Það er greinilega ábatasamt að vinna með Tesla.

Would like to clarify that Tesla is working exclusively with Panasonic for Model 3 cells. News articles claiming otherwise are incorrect.

— Elon Musk (@elonmusk) June 8, 2016