Sjáðu myndirnar: Strákarnir æfðu á vellinum sem má ekki bera nafnið sitt

Strákarnir okkar í karlalandsliðinu í knattspyrnu æfðu á keppnisleikvanginum Allianz Riviera í Nice í síðdegis í dag. Sólin skein og hitinn var mikill en um 30 stiga hiti er í frönsku borginni í dag.

Leikvangurinn fær ekki að bera fyrrnefnt nafn á Evrópumótinu í fótbolta vegna árekstra styrktaraðila. UEFA hefur engan áhuga á að leikvangurinn beri þetta heiti svo á Evrópumótinu er hann kallaður Stade de Nice.

Vilhelm Gunnarsson, ljósmyndari Fréttablaðsins og Vísis, myndaði strákana í bak og fyrir á leikvanginum í dag.