Kristinn: Vonumst til að vera búnir að ráða þjálfara á mánudaginn

Kristinn Kjærnested, formaður knattspyrnudeildar KR, vildi lítið tjá sig um brottrekstur Bjarna Guðjónssonar frá félaginu.

KR greindi frá því á heimasíðu sinni í hádeginu að Bjarni Guðjónsson og Guðmundur Benediktsson væru hættir störfum hjá félaginu.

KR-ingar eru með æfingu á morgun og mun Arnar Gunnlaugsson, sem kom inn í þjálfarateymi KR á dögunum, stýra henni. Arnar kemur þó ekki til greina sem næsti þjálfari KR að sögn Kristins.

Sjá einnig: Uppbótartíminn: Bless Bjarni | Myndbönd

Hann vonast til að vera búinn að ráða nýjan þjálfara á mánudaginn.

„Við þurfum að klára þetta sem allra fyrst. Ég á ekki von á því að við náum því fyrir æfinguna á morgun en vonandi eigi síðar en á mánudaginn,“ sagði Kristinn í samtali við Vísi.

KR er í 9. sæti Pepsi-deildarinnar með níu stig eftir níu leiki.

Næsti leikur KR-inga er gegn Glenovan á heimavelli í forkeppni Evrópudeildarinnar á fimmtudaginn.