Belgar keyrðu yfir Ungverja í síðari hálfleik | Sjáðu mörkin

Belgar eru komnir í átta liða úrslit eftir 4-0 sigur á Ungverjalandi, en Belgarnir gerðu út um leikinn í síðari hálfleik. Fjórir leikmenn skoruðu mörkin fjögur.

Toby Alderweireld kom Belgunum yfir á tíundu mínútu með skallamarki á tíundu mínútu eftir aukaspyrnu Kevin de Bruyne. Belgarnir leiddu 1-0 í hálfleik.

Ungverjarnir sóttu aðeins í sig veðrið í síðari hálfleik, en Michy Batshuayi kom inná sem varamaður á 76. mínútu og var búinn að skora tveimur mínútum síðar eftir undirbúning Eden Hazard.

Hazard skoraði svo mínútu síðar með frábæru einstaklingsframtaki og Yannick Ferreira-Carrasco skoraði fjórða mark Belgíu í uppbótartíma, en hann skoraði í úrslitaleik Meistaradeildarinnar fyrir tæpum mánuði síðan.

Belgía spilar við Wales í átta liða úrslitum á föstudaginn, en leikið verður á Villeneuve-d'Ascq í Lille.

1-0:

1-0 fyrir #BEL gegn #HUN. Alderweireld skorar á 10. mínútu. #EMÍsland https://t.co/6N1HPqiXrZ

— Síminn (@siminn) June 26, 2016

2-0 og 3-0:

#BEL bæta við 2 mörkum á rúmri mínútu. 3-0. #EMÍsland https://t.co/fdqx4tEMSB

— Síminn (@siminn) June 26, 2016

4-0:

Leik #BEL og #HUN lýkur með 4-0 sigri Belga. Hér er síðasta mark leiksins sem kom í uppbótartíma. #EMÍsland https://t.co/MD3re23Y04

— Síminn (@siminn) June 26, 2016