Fótbolti

Lars bar tilfinninguna eftir sigurinn gegn Englandi við vel heppnað kynlíf

Kolbeinn Tumi Daðason skrifar
Lars Lagerbäck sló á létta strengi á fundinum.
Lars Lagerbäck sló á létta strengi á fundinum. Vísir/Vilhelm
Lars Lagerbäck annar af landsliðsþjálfurum Íslands í knattspyrnu var spurður út í það á blaðamannafundi á Stade de France í dag hvernig hann héldi ró sinni og um sinn yfirvegaða þjálfunarstíl. 

 Lars svaraði því til að hann hefði oft fengið þessa spurningu. Hann væri glaður þótt hann sýndi það kannski ekki.

 „Auðvitað, þegar þú vinnur leik á móti Englandi þá finnurðu sæluvímuna fara um líkamann allan tímann,“ sagði Svíinn sem fékk spurninguna frá sænska sjónvarpinu.

 „Það er erfitt að lýsa því en ég gæti kannski líkt því við eitthvað, en ég veit ekki hvort ég eigi að gera það,“ sagði sænski þjálfarinn og átti greinilega við kynlíf.

 „En það var fyrir svo löngu síðan,“ bæti Lars við og uppskar mikinn hlátur.

 Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook , Twitter og Snapchat (sport365).

EM 2016 í Frakklandi

Mest lesið


Fleiri fréttir

Sjá meira


×

Mest lesið