Myndir frá Nice

Mikil ringulreið ríkir nú á götum Nice í Frakklandi eftir að trukkur keyrði inn í mannþröng sem hafði komið sér fyrir á Promenade des Anglais til þess að horfa á flugeldasýningu. Í dag héldu Frakkar upp á þjóðhátíðardag sinn. Ofsahræðsla tók um sig og þúsundir flúðu staðinn á hlaupum þegar árásin var gerð um klukkan tíu í kvöld.

Talið er að rúmlega 70 manns séu látnir og yfir hundrað manns slasaðir. Borgarstjórinn bað fólk um að snúa til síns heima og vera þar.

Ljósmyndarar eru á staðnum og hér eru nokkrar myndir sem teknar voru á götum Nice í kvöld. Myndirnar koma frá fréttastofu AFP.