Eftirför lögreglu endar illa

Það er hlutverk lögreglunnar að stöðva för þeirra sem brjóta lögin og fara til dæmis yfir á rauðu ljósi. Þá er líka gott fyrir lögregluna sjálfa að hlýta lögum. Lögreglan í Minnesota í Bandaríkjunum stóð ökumann Oldsmobile bíls að því að fara yfir á rauðu ljósi beint fyrir framan nefið á þeim.

Lögreglan tók þá döpru ákörðun að fara á eftir honum áður en grænt ljós kom eða aðgá hvort aðkomandi umferð væri hætta á höndum við þessa aðgerð. Lögreglubíllinn komst ekki einu sinni yfir gatnamótin því Toyota Camry bíll sem kom frá hægri ók á talsverðum hraða á lögreglubíllinn og velti honum við áreksturinn.

Enginn meiddist þó við þennan árekstur en talsvert tjón hlaust af og verulega má deila um kappsaman ásetning lögreglumannanna við að ná þrjótnum en í leiðinni að stuðla að því eina tjóni sem af öllu þessu hlaust.

Ökumaður Oldsmobile bílsins sem fór yfir á rauðu ljósi slapp vegna þessarar óaðgæslu laganna varða og hefur ekki fundist enn. Það  sama má ekki segja um farþega Camry bílsins, sem væntanlega eru enn í sjokki.