Jón Arnór getur ekki spilað í kvöld

Jón Arnór Stefánsson getur ekki leikið með körfuboltalandsliðinu í kvöld er það mætir Belgum ytra. Jón Arnór var einnig hvíldur vegna meiðsla í leiknum gegn Kýpur um síðustu helgi.

Ein breyting hefur síðan verið gerð á landsliðshópnum fyrir kvöldið en Sigurður Gunnar Þorsteinsson kemur inn í hópinn í stað Axels Kárasonar.

Íslenska liðið hefur unnið tvo fyrstu leiki sína í undankeppni EM og ætlar að landa þriðja sigrinum í kvöld. Leikurinn verður í beinni textalýsingu á Vísi.