Telja Hillary vera með alnæmi og að Bill hafi smitast með Magic Johnson

Trevor Noah, umsjónamaður þáttarins The Daily Show, sendi á dögunum útsendara sinn til stuðningsmanna Donald Trump sem býður sig fram til embætti forseta Bandaríkjanna.

Jordan Klepper fékk það hlutverk og spurði hann út í veikindi Hillary Clinton, starfshætti Barack Obama og fékk nokkuð sérstök svör frá stuðningsmönnum Trump.

Einn þeirra gat ekki útilokað að Hillary væri jafnvel með alnæmi og Obama hefði sjálfur staðið á bakvið hryðjuverkin í New York 11. september árið 2001.

Nokkrir voru alveg vissir um að tvífari Hillary Clinton væri að koma fram í hennar stað vegna veikindanna.

Hér að neðan má sjá afraksturinn sem er í meira lagi furðulegur.