Snjallsíminn notaður til að stýra húsinu

Sífellt fleiri snjalltæki koma á markað fyrir heimili.

Slík tæki eiga það flest sameiginlegt að gera notendum kleift að stýra hinum ýmsu þáttum heimilisins með snjallsímann að vopni.

Amazon Echo

Vefverslunarrisinn Amazon býður upp á snjallhátalarann Echo sem er útbúinn stafræna aðstoðarmanninum Alexa.

Aðstoðarmaðurinn virkar líkt og Siri sem iPhone-notendur þekkja til og kostar hátalarinn um tuttugu þúsund krónur.

Nest Learning Thermostat

Nest býður upp á stafrænan hitastilli fyrir heimili sem hægt er að stýra úr snjallsíma.

Mun notandinn því geta breytt hitastiginu í húsi sínu úr rúminu sé honum og hlýtt eða kalt til að sofna.

Lifx Color 1000

Lifx býður upp á ljósaperur sem þú getur breytt um lit á úr snjallsímanum.

Með þeim væri hægt að breyta lýsingu hússins eftir tilefni. Til dæmis gætu ljósaperurnar orðið bleikar í október í tilefni Bleiku slaufunnar.

iBaby Monitor

iBaby býður upp á myndavél sem tengist beint við snjallsímann þinn svo þú getir fylgst með barninu.

Með myndavélinni verður sem sagt hægt að fylgjast með barninu í háskerpu sama hvar notandinn er staðsettur.

August Smart Lock

Fyrir þá sem nýta hvert tækifæri til að týna húslyklunum sínum, eða eiga sambýlisfólk sem er gjarnt á að læsa sig úti, er hægt að kaupa snjalllás frá August.

Þá getur maður opnað útidyrnar þótt maður sé hvergi nærri heimili sínu.

Fréttin birtist fyrst í Fréttablaðinu