Kylie virtist ánægð með að vera orðin dökkhærð aftur.Skjáskot/Snapchat
Eftir að hafa verið ljóshærð seinustu mánuði hefur Kylie Jenner ákveðið að lita sig aftur dökkhærða. Hún sýndi aðdáendum sínum afraksturinn á snapchat aðganginum sínum. Þetta er lengsti tími sem að Kylie hefur haldið í hárlit sem er ekki upprunalegi dökki liturinn hennar.
Seinustu vikur hefur hún verið að kvarta undan því hversu erfitt það er að halda hárinu svo ljósi og hversu illa það fer með endana. Hún sagði einnig að það væri erfitt að mála sig með svo ljóst hár þar sem förðunin verði alltaf hálf appelsínugul við hársvörðinn.
Við samgleðjumst okkar konu fyrir að vera komin aftur í sinn náttúrulega og eðlilega hárlit en það verður forvitnilegt að fylgjast með hvort hún nái að halda honum í langan tíma í senn.
