Embættismenn ESB hafa gagnrýnt yfirvöld Bretlands fyrir stefnuleysi og takmarkað upplýsingaflæði. David Davis, sérstakur Brexit-ráðherra, hefur verið í Strabourg að ræða við embættismenn ESB, en þeir segja Breta ekki hafa hugmynd um hvað Brexit þýði í raun og veru.
Samkvæmt Sky News sögðu Guy Verhofstadt, yfirmaður nefndar evrópuþingsins varðandi Brexit, og þingmenn Davis að samningaviðræður vegna Brexit verði erfiðar. Þá hafa þeir ítrekað að Bretlandi muni ekki fá að vera áfram á innri markaði ESB án frjáls flæðis fólks.
Verhofstadt segir að samningaviðræðum Breta og ESB verði að vera lokið um tveimur árum eftir að 50. grein Lissabonsáttmálans hefur verið virkjuð. Reiknað er með því að hún verði virkjuð í mars. Því yrðu samningarnir líklegast klárir fyrir evrópuþingskosningarnar árið 2019.
Hann sagði einnig að ómögulegt væri að finna lausn þar farið væri gegn „frelsunum fjórum“ eins og þau eru kölluð. Þar er um að ræða frjálst flæði fjármagns, vara, þjónustu og fólks.
Bretar skammaðir fyrir stefnuleysi
Tengdar fréttir
Samskipti við Bretland í aðalhlutverki á fundi EFTA-ríkjanna
Ákveðið var að ráðherrar ríkjanna fjögurra muni vinna nánar saman
Leiðtogar Evrópu sammála um að refsa Bretlandi
Sjá það sem einu leiðina til að sporna gegn upprisu popúlista um alla Evrópu og halda ESB saman.
Varar við auknum skuldum og verðbólgu í Bretlandi
Fjármálaráðherra Bretlands segir óvissuna vegna Brexit vera gífurlega.
