FH styrkir sig fyrir næsta tímabil

FH hefur fengið góðan liðsstyrk fyrir átökin í Pepsi-deild kvenna á næsta tímabili en í dag skrifaði Caroline Murray undir samning við Fimleikafélagið.

Murray er 23 ára bandarískur kantmaður. Á síðasta tímabili lék hún í finnsku úrvalsdeildinni. Hún hefur einnig leikið í heimalandinu.

FH endaði í 6. sæti Pepsi-deildarinnar síðasta sumar og hélt sæti sínu í deildinni.

FH ætlar að byggja ofan á þann árangur sem náðist í fyrra og hefur gengið frá samningum við flesta leikmenn liðsins á undanförnum vikum og mánuðum.