Hlutkesti gæti ráðið örlögum strákanna okkar í dag

Ísland leikur í dag lokaleik sinn í riðlakeppni HM á móti Makedóníu. Fjögur efstu lið hvers riðils fara áfram í 16-liða úrslitin en hin tvö í Forsetabikarinn.

Þetta eru möguleikar Íslands í kvöld miðað við að Túnis vinni Angóla klukkan 13.00 í dag. Leikur Íslands og Makedóníu hefst klukkan 16.45.:

Ísland vinnur Makedóníu

Ísland endar í þriðja sæti riðilsins með fimm stig og mætir Noregi í 16-liða úrslitum.

Ísland gerir jafntefli

Þar sem Ísland og Túnis gerðu jafntefli ræður heildarmarkatala hvort liðið endar ofar. Ef Ísland endar í 4. sæti þá mætir liðið Frakklandi í 16-liða úrslitum.

• Túnis vinnur Angóla með 15 marka mun eða minna: Ísland endar í 4. sæti.
  
  
• Túnis vinnur Angóla með 16 marka mun og skorar færri mörk en Ísland í dag: Ísland endar í 4. sæti.
  
  
• Túnis vinnur Angóla með 16 marka mun og skorar fleiri mörk en Ísland í dag: Ísland endar í 5. sæti
  
  
• Túnis vinnur Angóla með 16 marka mun og skorar jafn mörg mörk og Ísland í dag: Hlutkesti varpað um hvort Ísland eða Túnis endar í 4. sæti riðilsins.
  
  
• Túnis vinnur Angóla með 17 marka mun eða meira: Ísland endar í 5. sæti

Ísland tapar fyrir Makedóníu

Ísland endar í fimmta sæti riðilsins með þrjú stig og leikur í Forsetabikarnum.

Ekki missa af neinu sem gerist á HM í Frakklandi. Vísir er með öflugt fréttateymi á mótinu sem færir ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365).