Sjómenn og útvegsmenn halda áfram viðræðum

Samninganefndir sjómanna og útvegsmanna munu koma saman til fundar með ríkissáttasemjara klukkan 14 í dag þar sem lausna verður leitað á þeirri kjaradeilu sem nú er uppi, en sjómenn hafa verið í verkfalli frá því um miðjan desember.

Fundurinn verður sá þriðji á jafnmörgum dögum sem oft er til marks um að deilendur telja tilefni til þess að halda þessari lotu áfram, en eftir því sem fréttastofa kemst næst er nokkur gangur í viðræðunum þessa dagana. Fundurinn í gær stóð í um tvær og hálfa klukkustund.