Rækjutegundin Pink Floyd

Nýuppgötvuð rækjutegund hefur verið nefnd eftir bresku hljómsveitinni Pink Floyd. Með því vildi líffræðingurinn sem uppgötvaði dýrið heiðra uppáhalds hljómsveit sína.

Rækjan fannst skammt frá vesturströnd Panama. Á henni er stór kló sem dýrið notar til að framkalla hljóð sem getur dauðrotað smáa fiska. Latneskt heiti hennar er nú synalpheus pinkfloydi. Þetta er annað dýrið sem heitir í höfuð Pink Floyd, eða afurð sveitarinnar, en fyrir er til fluga sem ber heitið Ummagumma.