ÍBV byrjar á sigri

ÍBV vann 1-0 sigur á KR í lokaleik 1. umferðar Pepsi-deildar kvenna í kvöld.

Góð byrjun hjá Eyjakonum sem var spáð 5. sæti deildarinnar.

Eina mark leiksins kom á 48. mínútu. Adrienne Jordan átti þá fyrirgjöf frá hægri, Cloe Lacasse missti af boltanum sem fór af Hrafnhildi Agnarsdóttur, markverði KR, og inn.

Fleiri urðu mörkin ekki og ÍBV fagnaði góðum sigri.

Þær Katrín Ómarsdóttir og Þórunn Helga Jónsdóttir léku sinn fyrsta leik fyrir KR í mörg ár en það dugði ekki til í kvöld.