Asíski draumurinn: Flug­hræddur Steindi þakk­látur fyrir að vera á lífi

Það er ýmislegt lagt á sig til að hala inn stigum í þættinum Asíski draumurinn sem er á dagskrá Stöðvar 2 á föstudagskvöldum.

Í síðasta þætti þurfti Steindi jr. til að mynda að fljúga flugvél til að ná 10 stigum fyrir sig og Audda í keppninni við þá Pétur Jóhann og Sveppa en Steindi er vægast sagt mjög flughræddur og var því ekki par hrifinn af verkefninu.

Hann leysti það þó en með honum í vélinni var herra Halim, fyrrverandi orrustuflugmaður og einn helsti ofurhugi Víetnam, sem byrjaði flugferðina á nokkrum dýfum og snúningum. Okkar manni var því ekkert sérstaklega skemmt og ekki leið honum betur með að fljúga vélinni sjálfri svo herra Halim tók stjórnina fljótt aftur.

Steindi sagðist svo aldrei hafa verið jafn ánægður með að vera á lífi þegar hann var lentur en innslagið má sjá í spilaranum hér að neðan.