Tíu ár frá hvarfi Madeleine McCann

Tíu ár eru í dag liðin frá því þegar Madeleine McCann, þriggja ára gömul bresk stúlka, hvarf úr hótelherbergi fjölskyldu sinnar í Portúgal á meðan foreldrar hennar snæddu kvöldverð í nágrenninu.

Málið vakti heimsathygli og fá mannshvörf hafa hlotið viðlíka umtal og í svo langan tíma, en enn eru að koma fram kenningar um hvað gerðist þetta örlagaríka kvöld.

Foreldrar stúlkunnar komu reglulega fram og ræddu við fjölmiðla um hvarfið og nýjar vísbendingar og fjölmargar bækur hafa verið ritaðar og sjónvarpsþættir gerðir.

Enn er þó portúgölsk og bresk lögregluyfirvöld litlu nær um það sem gerðist eða hver varð valdur að hvarfi Madeleine litlu.