Aaron Lennon að glíma við geðræna kvilla

Aaron Lennon, leikmaður Everton, er nú undir eftirliti heilbrigðisyfirvalda í Bretlandi eftir að lögregla var kölluð til í gær.

Lögreglan í Manchester fékk tilkynningu síðdegis í gær vegna manns sem hagaði sér einkennilega á Eggles Old Road í gær. Var hann færður á sjúkrahús þar sem hann fékk aðhlynningu.

Lennon gekk í raðir Everton frá Tottenham árið 2015 en hefur ekki komið við sögu hjá liðinu síðan í febrúar.

Stan Collymore, fyrrum leikmaður Liverpool, hefur lengi barist við þunglyndi og var einn fjölmargra þekktra íþróttamanna í Bretlandi sem lýsti stuðningi við Lennon í gær.

„Ég þekki þann stað sem hann er á og veit að hann á eftir að jafna sig með stuðningi frá okkur öllum,“ sagði Collymore á Twitter-síðu sinni.

Thoughts and love with Aaron Lennon and his family right now.

I know that place, and I know he'll be fine with good support from us all.

— Stan Collymore (@StanCollymore) May 2, 2017

Everton sendi frá sér stutta yfirlýsingu á Twitter-síðu sinni í mörgum þar sem öllum er þakkað fyrir þann hlýhug sem Lennon hefur verið sýndur. Enn fremur er farið fram á að honum og fjölskyldu hans verði gefið svigrúm til að takast á við stöðuna.

Thank you for all the kind messages for Aaron. We are supporting him through this and his family has appealed for privacy at this time.

— Everton (@Everton) May 3, 2017