Erlent

Augnablikið þegar sprengjan sprakk í Manchester

Kolbeinn Tumi Daðason skrifar
Frá vettvangi í Manchester í morgun.
Frá vettvangi í Manchester í morgun. Vísir/Getty
Minnst 22 eru látnir og tugir slasaðir eftir að sprengja sprakk fyrir utan Manchester Arena í samnefndri borg Englands í gærkvöldi.

 Sprengingin varð klukkan 22:35 að staðartíma, klukkan 21:35 að íslenskum tíma, þegar að gestir á tónleikum Ariönu Grande voru byrjaðir að tínast heim af tónleikum bandarísku poppstjörnunnar. Meðal hinna látnu eru börn sem voru stór hluti tónleikagesta í gær. 

 Tónleikagestur tók upp myndband sem sýnir upplifun tónleikagesta inni í höllinni þegar að sprengjan springur fyrir utan. Þar sést glögglega hve mikil ringulreið skapaðist en fólk byrjaði að hlaupa í allar áttir.

 Talið er að um sjálfsmorðárás hafi verið að ræða en lögregla í Manchester telur að karlmaður, sem lést í sprengingunni, hafi verið að verki. Til rannsóknar er hvort hann hafi skipulagt árásina sjálfur eða að fleiri hafi skipulagt verknaðinn.

Barna er enn leitað og hefur neyðarsímanúmer verið opnað sem fólk getur hringt í ef það saknar ástvina sinna. Númerið er 0161 856 9400.

Mikil ringulreið skapaðist Hér að neðan ræðir Ian Atkins hjá lögreglunni í Manchester við fjölmiðla í morgun.
Hryðjuverk í Manchester

Tengdar fréttir

Mest lesið


Fleiri fréttir

Sjá meira


×

Mest lesið