Valur búinn að kaupa Pedersen frá Viking

Valur mun fá mikinn liðsstyrk er félagaskiptaglugginn opnar aftur um miðjan júlí.

Samkvæmt Stavanger Aftenblad þá hefur Valur náð samkomulagi við Viking um kaupverð á danska framherjanum Patrick Pedersen.

Pedersen lék síðast með Val árið 2015 er hann varð markahæsti leikmaður Pepsi-deildarinnar. Þarf því ekkert að fjölyrða um hversu mikill liðsstyrkur þetta er fyrir Valsmenn.

Það var mikið rætt um að Pedersen væri á leið til Vals í maí en þá gengu hlutirnir ekki upp. Nú hafa liðin aftur á móti náð saman.

Pedersen hefur ekki fundið í búningi Viking og því var félagið til í að selja. Pedersen skoraði fimm mörk í 28 leikjum í fyrra og er búinn að skora eitt mark í fimm leikjum í ár.