SKAM kveður á hátindi vinsældanna

Lokaþáttur unglingaþáttarins SKAM (ísl. Skömm) var sýndur síðasta laugardagskvöld. Alls heimsóttu 1,1 milljón manns heimasíðu SKAM í lokavikunni enda hafa þættirnir náð gríðarlegum vinsældum um allan heim. Von er á amerískri endurgerð.

Áhorfendur fengu að fylgjast með Evu, Nooru, Isak og Sönu feta sig fyrstu tvö ár menntaskólans í Hartvig Nissen skólanum. Flestir höfðu þó búist við því að þáttaraðirnar yrðu sex talsins yfir öll menntaskólaárin þrjú og að áhorfendur fengju að fylgjast með undirbúningi Russe djammsins sem hefur verið miðpunktur söguþráðarins frá byrjun og var hvati þess að vinkonuhópurinn sem er í aðalhlutverki myndaðist.

via GIPHY

Ákvörðunin um að hætta framleiðslu á þáttunum virðist hafa verið frekar skyndileg. Julie Andem, höfundur og leikstjóri þáttanna, birti yfirlýsingu á Instagram síðu sinni í apríl síðastliðnum þegar tilkynnt var að fjórða serían yrði sú síðasta. 

„SKAM hefur verið 24/7 vinna. Það hefur líka verið ótrúlega gaman að vinna að þeim og ég trúi því að það gefi þáttunum einstaka orku og tryggt að Skam haldi áfram að koma á óvart og skemmta fólki. Við ákváðum nýlega að við munum ekki gera nýja þáttaröð í haust. Ég veit að margir verða vonsviknir og leiðir að heyra þetta, en ég er viss um að það sé rétt ákvörðun,“ skrifaði Andem.

I don't remember who it was that asked me, but it was very early on, during a shoot for the first season. 'How big do you think this show is going to be?', one of the actors asked me, a little skeptically. We were standing in the schoolyard at Nissen High School, a small, low budget production crew, one photographer, the sound engineer and me. 'Who knows, but I think we should aim for world domination', I said. We all laughed, 'cos I was obviously joking. None of us understood then how big Skam would turn out to be. This experience has been completely unreal, and a joy to be a part of. Skam has been a 24/7 job. It has also been amazingly fun to work on, and I really believe that has given the series a unique energy, and ensured that Skam continues to surprise and entertain. We recently decided that we won't be making a new season this fall. I know many of you out there will be upset and disappointed to hear this, but I'm confident this is the right decision. Please don't be sad, dear SKAM fans, the coolest fan base on earth! I'm moved by you all each and every day. The way you keep up with and defend Skam. The way you look for clues, interpret and analyze everything you see. If you only knew how I contort my brain to keep you on your toes. I'm touched by all that you share, and the way you look out for each other. Many people have asked me what aspect of working on Skam has left the strongest impression on me. you left the strongest impression. The comments under ”Vært litt spess i det siste” still make me *cries in Norwegian* A heartfelt thank you to all of you. I'm going to miss you when SKAM is over. But first. Are you ready for Sana? Cuz shits bout to go down yo

A post shared by julieandem (@julieandem) on Apr 7, 2017 at 3:35am PDT

Til að friða áhorfendur og binda um lausa enda fór síðasta vikan í að sýna brot úr lífi þeirra persóna sem ekki hafa fengið eigin þáttaröð. Áhorfendur fengu að kynnast heimilislífi hinnar óöruggu Vilde og sjá aðrar hliðar á hinni ofurhressu stelpu-Chris. 

Kærastar aðalpersónanna sem hafa hingað til verið í aukahlutverki fengu líka sitt pláss. William, Even, Jónas og stráka-Chris fengu nokkrar mínútur sem settu sviðið fyrir lokaþáttinn þar sem allir hittast heima hjá Sönu og fagna lokum Ramadan föstunnar með Eid veislu. 

Amerískir unglingar í norskum raunveruleika

Fyrir nokkru var tilkynnt að von væri á amerískri endurgerð af SKAM og að Simon Fuller, maðurinn á bakvið Idol þættina, muni annast framleiðslu þessa. Áætlað er að tökur á þáttunum hefjist í sumar og standi fram að jólum. Samkvæmt frétt á vef Svenska Dagbladet er það von Fuller að Julie Andem taki virkan þátt í endurgerðinni og að notast verði við upprunalegu persónunnar. 

Það gæti þó orðið erfitt að endurgera þættina að fullu, enda byggir söguþráðurinn mikið á norskri unglingamenningu. Fuller virðist þó ætla að reyna sitt besta og verða, líkt og í norsku útgáfunni, notast við unga áhugaleikara til að þættirnir séu sem raunverulegastir. Þá verður einnig notast við það sýningarmynstur að setja hvert atriði inn á vef í rauntíma og smáskilaboð, Instagram færslur og fleira inn á milli svo að áhorfendum finnist þeir vera þátttakendur í atburðarrásinni.