Trump lék á als oddi í París og gefur Parísarsamkomulaginu undir fótinn

Donald Trump Bandaríkjaforseti gaf því undir fótinn í París að hann kunni að endurskoða afstöðu sína til Parísarsamkomulagið í loftslagsmálum. Hann var heiðursgestur Emmanuel Macron á þjóðhátíðardegi Frakka í dag en forsetarnir eru sammála um að þjóðirnar eigi margt sameiginlegt.

Það var mikið um dýrðir á þjóðhátíðardegi Frakka, Bastilludeginum, í dag. Hátíðarhöldin hófust klukkan tíu í morgun að staðartíma með marseringu franskra og bandarískra hermanna niður Champs Elysees með Emmanuel Macron nýkjörinn forseta fimmta lýðveldisins í broddi fylkingar. Frá því hann var kosinn í júní hefur Macron náð að byggja upp ímynd af sér sem sterkum leiðtoga innan Evrópusambandsins og brúarsmið milli Evrópu og Bandaríkjanna. Afarvel hefur fariðá með honum og Donald Trump forseta Bandaríkjanna sem kom til Parísar með eiginkonu sinni í gær til að vera heiðursgestur á Bastilludeginum í dag, þegar þess er minnst að hundrað ár eru liðinn frá því Bandaríkjamenn komu bandamönnum til aðstoðar í fyrri heimsstyrjöldinni.

Mikiðumþétt handabönd og klappábakið

Það hefur verið mikið um þétt handbaönd á milli forsetanna, klapp á axlir og bak og Macron hefur hvað eftir annað sést hvísla einhverju góðlátlegu í eyra Trumps. Svo vel fer á með forsetunum að Trump gaf því undir fótinn á fréttamannafundi þeirra í gær, hann hann væri til í að endurskoða afstöðu sína til Parísarsamkomulagsins í loftslagsmálum eftir að Macron hafði ítrekað að þrátt fyrir ólík sjónarmið í þeim efnum væru leiðtogar Frakklands og Evrópu samstiga forseta Bandaríkjanna í fjölmörgum málum.

Trump segir vináttubönd Bandaríkjamanna og Frakka órjúfanleg.

„Bandaríkin eru áfram staðráðin í því að hafa forystu í umhverfisverndarmálum á sama tíma og við stuðlum að auknu orkuöryggi og hagvexti. Vinskapur ríkja okkar, og okkar sjálfra, er óhagganlegur,“ sagði Trump á fréttamannafndi forsetanna seinnipartinn í gær.

Macron segir nauðsynlegt að leiðtogar ríkjanna ræði saman þótt þá greini á í einstaka stórum málum.

„Ég er ósammála túlkun BNA á Parísarsamkomulaginu og þýðing þess. Við ræddum þennan ágreining, eins og leiðtogum ber að gera, fyrir og eftir ákvörðunina sem Trump forseti tók,“ sagði Frakklandsforseti.

Breyttur tónn hjáTrump

Og Trump virðist hafa mildast í garð Parísarsáttmálans eftir fundi sína með Macron.

„Já, eitthvað kann að gerast í tengslum við Parísarsáttmálann. Sjáum til. Við munum ræða það þegar fram líða stundir og ef það gerist verður það dásamlegt. Ef ekki, verður það í lagi líka,“ sagði Trump.

Það var greinilegt að Trump þótti mikið til hátíðarhaldanna koma í París í dag og auglóst að hann ber virðingu fyrir Macron sem virðist ná vel til Bandaríkjaforseta. Þar með er Macron orðinn sá leiðtogi Evrópu sem er kannski í nánustu sambandi við Trump. Þegar forsetarnir kvöddu eiginkonur sínar áður en þeir funduðu í gær heyrðist Trump hæla frönsku forsetafrúnni Birgitte fyrir að vera í ótrúlega góðu formi. En hún er sjö árum yngri en Trump og tuttugu og fjórum árum eldri en eiginmaðurinn Emmanuel. En Trump sagði eitthvað á þessa leið: „Farið og skemmtið ykkur. Þú ert í mjög góðu formi, falleg. Farið og skemmtið ykkur vel.“

Heimsókn bandarísku forsetahjónanna lauk að lokinni athöfninni við Champ Elysees og ekki var minna um þétt handabönd, klapp á axlir og bak á kveðjustundinni en fyrri daginn þegar forsetarnir og eiginkonur þeirra kvöddust.