Irma orðin að þriðja stigs fellibyl

Atlantshafsóveðrið Irma hefur nú náð styrkleika þriðja flokks fellibyls. Veðurfræðingar fylgjast náið með fellibylnum þar sem hann fikrar sig frá ströndum Afríku vestur yfir Atlantshafið. Of snemmt er að segja til um hvort hann nái á land vestanhafs og þá hvar.

Vindhraði Irmu er nú orðinn 50 metrar á sekúndu og hefur styrkur fellibylsins aukist hratt á síðasta sólarhring.

Sjá einnig: Hafa auga með fleiri stormum við Mexíkóflóa

Líklegast þykir að ef Irma nái landi verði það í Karíbahafi eða jafnvel í Bandaríkjunum.

Búist er við því að Irma muni styrkjast verulega á leið sinni yfir Atlantshafið á næstu fjórum til fimm dögum, þar sem aðstæður eru mjög góðar fyrir fellibylji. 

#Irma is forecast to remain over the tropical Atlantic Ocean as a major hurricane through early Wednesday https://t.co/qVKxi93JYh pic.twitter.com/Cq9zyKCzxF

— NHC Atlantic Ops (@NHC_Atlantic) September 1, 2017