Willum sækist einn eftir oddvitasæti í Suðvesturkjördæmi

Framsóknarflokkurinn í Suðvesturkjördæmi mun viðhafa uppstillingu við val á framboðslista fyrir komandi alþingiskosningar. Þetta var ákveðið á fjölmennu aukakjördæmisþingi sem fram fór í Kópavogi í kvöld.

Willum Þór Þórsson, fyrrverandi alþingismaður og knattspyrnuþjálfari hjá KR, sóttist einn eftir fyrsta sæti á framboðslista flokksins í kjördæminu. Var honum ákaft fagnað á fundinum, að því er kemur fram í tilkynningu.

Fleiri tilkynntu um framboð en þó ekki í fyrsta sæti listans.