Innlent

Ólafur Ísleifsson til liðs við Flokk fólksins

Stefán Ó. Jónsson skrifar
Ólafur Ísleifsson starfar sem framkvæmdastjóri gæðamála við Háskólann á Bifröst.
Ólafur Ísleifsson starfar sem framkvæmdastjóri gæðamála við Háskólann á Bifröst.
Dr. Ólafur Ísleifsson hagfræðingur verður oddviti hjá Flokki Fólksins í komandi Alþingiskosningum þann 28. október næstkomandi. Frá þessu er greint í tilkynningu frá flokknum. Ekki er nánar tiltekið í hvaða kjördæmi Ólafur hyggst leiða lista.

 Ólafur starfar sem framkvæmdastjóri gæðamála við Háskólann á Bifröst en hann  hefur lokið doktorsprófi í hagfræði frá Háskóla Íslands. Hann er með meistarapróf í hagfræði frá London School of Economics and Political Science og BS-próf í stærðfræði frá Háskóla Íslands.

 Ólafur starfaði um tíu ára skeið sem lektor í hagfræði við Háskólann í Reykjavík. „Hann hefur að baki fjölþætta starfsreynslu á sviði fjármála og efnahagsmála á vettvangi Seðlabanka Íslands, Þjóðhagsstofnunar, forsætisráðuneytisins og Alþjóðagjaldeyrissjóðsins,“ eins og segir í tilkynningunni.

Ólafur er kominn í kosningagírinn.Flokkur Fólksins
Kosningar 2017

Mest lesið


Fleiri fréttir

Sjá meira


×

Mest lesið