Ásmundur Einar býður sig fram gegn Gunnari Braga

Á kjördæmisþingi Framsóknarflokksins í Norðvesturkjördæmi tilkynnti Ásmundur Einar Daðason að hann hygðist bjóða sig fram gegn sitjandi oddvita listans, Gunnari Braga Sveinssyni.

„Það hafa allir rétt á því og ég hræðist það ekki neitt. Íbúar í Norðvestur kjördæmi þekkja ágætlega muninn á mér og Ásmundi Einarssyni þannig að það er allt í góðu,“ segir Gunnar Bragi við ákvörðun Ásmundar Einars.

Á kjördæmafundinum var einnig ákveðið að halda tvöfalt kjördæmisþing þann 8. október næstkomandi þar sem stillt verður upp lista.

Stjórnmálaflokkarnir eru um þessar mundir að skipuleggja kosningabaráttuna og farið er að skírast hvernig flokkarnir hyggjast raða á lista.