Forsetinn flutti ávarp á minningarathöfn um fórnarlömb umferðarslysa á Íslandi

Samgöngustofa og Samgöngu- og sveitastjórnarráðuneytið stóðu fyrir athöfn klukkan 11 í dag í tilefni af minningardeginum um fórnarlömb umferðarslysa,  að viðstöddum Guðna Th. Jóhannessyni forseta Íslands og Jóni Gunnarsyni ráðherra sveitastjórnar- og samgöngumála, við þyrlupall bráðamóttöku Landspítalans í Fossvogi í Reykjavík.  Auk þess verður fjöldi viðbragðsaðila og starfsfólks Bráðamóttöku Landspítalans viðstödd athöfnina sem hófst klukkan 11.

1549 einstaklingar hafa látist í umferðarslysum hér á landi en fyrsta banaslysið varð þann 28. ágúst árið 1915. Á minningarathöfninni í dag lenti þyrla landhelgisgæslunnar á þyrlupallinum og var svo ávarp frá forsetanum. Í kjölfarið var einnar mínútu þögn áður en fleiri tóku til máls.

„Þessi dagur er ekki hvað síst til að virkja vitund vegfarenda fyrir þeirri ábyrgð sem þeir bera. Dagurinn er ekki aðeins tileinkaður minningu látinna í umferðinni heldur hefur skapast sú venja hér á landi að heiðra þær starfsstéttir sem sinna björgun og aðhlynningu þegar umferðarslys verður. Eru þessum starfsstéttum færðar þakkir fyrir mikilvægt og óeigingjarnt starf þeirra,“ sagði í tilkynningu um viðburðinn.