Kryddstúlkur sameinast á ný

Nú munu einhverjir hoppa hæð sína en stúlknasveitin fræga, Spice Girls, hafa ákveðið að koma saman á nýjan leik á nýju ári. 

Endurkoman mun hafa verið í nokkur ár í bígerð en erfiðast reyndist að sannfæra fatahönnuðinn og fyrrum posh spice Victoriu Beckham um að það væri góð hugmynd að sveitin kæmi saman á nýjan leik. 

Eins og margir vita skipuðu sveitina þær Melanie Brown, Melanie Chisholm, Geri Halliwell, Emma Bunton og Victoria Beckham og voru sem frægastar á seinni hluta tíunda áratugarins

Samkvæmt fréttum er um að ræða nýja plötu frá sveitinni sem og sjónvarpsverkefni sem ekki er farið nánar í saumana á. 

Þetta gæti orðið áhugavert - svo ekki sé meira sagt.