Bílakarnival hjá Brimborg

Á nýju ári keppast bílaumboð landsins við að bjóða myndarlega verðlækkun á sínum bílum. Um helgina næstu ætlar Brimborg að til að mynda að bjóða viðskiptavinum til svokallaðs bílakarnivals þar sem allt að 665.000 króna afsláttur er veittur af nýjum bílum.

Í fréttatilkynningu frá Brimborg segir að fyrirtækið geti boðið um 500 mismunandi gerðir fólksbíla og atvinnubíla frá fimm bílaframleiðendum. Þá greinir Brimborg frá því að skemmtilegar uppákomur verði í boði um helgina og lukkuhjóli snúið. Brimborg er með umboð fyrir bílgerðirnar Ford, Volvo, Mazda, Citroën og Peugeot og er til húsa að Bíldshöfða 6 og 8 í Reykjavík og Tryggvabraut 5 á Akureyri.