Svona byggir maður timburkofa í óbyggðunum

Ef þig hefur alltaf dreymt um að byggja timburkofa einhvers staðar í óbyggðunum er Kanadamaðurinn Shawn James maðurinn með lausnina.

Hann hefur birt myndband þar sem spólað er hratt yfir byggingarferlið, allt frá því að höggva tréin sem hann notaði í bygginguna til þess hvernig á að innrétta.

Myndbandið er svo kallað time-lapse og á því má sjá byggingarvinnuna frá a-ö. James segir að myndbandið sé ágætis byrjendanámskeið í því hvernig eigi að byggja slíkan kofa en fyrir þá sem hafa áhuga á slíku er James með mun ítarlegri myndbönd á YouTube.