Anna Rakel byrjar á móti Noregi í sínum fyrsta A-landsleik

Freyr Alexandersson, þjálfari íslenska kvennalandsliðsins í fótbolta, hefur tilkynnt byrjunarliðið sitt fyrir leikinn á móti Noregi á La Manga í kvöld.

Anna Rakel Pétursdóttir, leikmaður Íslandsmeistara Þór/KA, er í byrjunarliðinu í dag og leikur þar með sinn fyrsta A-lanlseik.

Íslenska liðið spilar með þrjá miðverði, Sif Atladóttur, Glódísi Perlu Viggósdóttur og Önnu Björk Kristjánsdóttur en Anna Rakel er vinstri vængbakvörður. Svava Rós Guðmundsdóttir er síðan á hinum vængnum.

Sandra María Jessen og Fanndís Friðriksdóttir byrja saman frammi en fyrir aftan þær er Rakel Hönnudóttir. Andrea Rán Hauksdóttir og Gunnhildur Yrsa Jónsdóttir eru síðan saman á miðri miðjunni.   

Byrjunarlið Íslands:

Sandra Sigurðardóttir

Sif Atladóttir

Glódís Perla Viggósdóttir

Anna Björk Kristjánsdóttir

Anna Rakel Pétursdóttir

Svava Rós Guðmundsdóttir

Andrea Rán Hauksdóttir

Gunnhildur Yrsa Jónsdóttir

Rakel Hönnudóttir

Sandra María Jessen

Fanndís Friðriksdóttir