ÍBV sótti tvö stig í Ásgarð

ÍBV vann tveggja marka sigur á Stjörnunni þegar liðin mættust í 13.umferð Olís-deildar kvenna í handbolta í dag.

Leikurinn var jafn og spennandi frá upphafi til enda en heimakonur í Stjörnunni leiddu með einu marki í leikhléi, 12-11. Öflugur lokakafli Eyjakvenna sá hins vegar til þess að þær náðu að innbyrða stigin tvö. Lokatölur 25-27 fyrir ÍBV.

Ester Óskarsdóttir var atkvæðamest í liði gestanna með 8 mörk og Sandra Erlingsdóttir skammt undan með 7 mörk. Hanna Guðrún Stefánsdóttir var markahæst heimakvenna með 7 mörk og Ramune Pekarskyte bætti sex mörkum við.

Úrslitin þýða komið upp í 3.sæti deildarinnar með sautján stig á meðan Stjarnan hefur 11 stig í 5.sæti deildarinnar.