Sölvi þarf að losa sig við skandínavísku mjaðmirnar

Sölvi Tryggvason og Ástrós Traustadóttir fóru mikinn í dansþættinum Allir geta dansað í beinni útsendingu á sunnudagskvöldið en þau dönsuðu samba með miklum tilþrifum.

Parið fékk samtals 13 stig í einkunn frá dómurunum eftir dansinn og töluðu dómararnir um að Sölvi væri fastur í klassískum skandínavískum mjöðmum.

Allir geta dansað er nýr íslenskur skemmtiþáttur í beinni útsendingu byggður á hinum geysivinsælu þáttum Dancing with the Stars.

Í þáttunum keppa tíu þjóðþekktir Íslendingar í dansi en þeir eru paraðir saman við tíu fagdansara og eitt par stendur uppi sem sigurvegari.

Kynnar í þáttunum eru Sigrún Ósk Kristjánsdóttir og Eva Laufey Kjaran Hermannsdóttir. Dómarar eru Selma Björnsdóttir, Karen Reeve og Jóhann Gunnar Arnarsson. Hér að neðan má sjá dansinn frá Sölva og Ástrós.