Þetta eru lögin sem Ari etur kappi við í kvöld Kristín Ólafsdóttir skrifar 8. maí 2018 16:30 Hin kýpverska Eleni Foureira ásamt dönsurum sínum á æfingu í Lissabon í gær. Vísir/Getty Fyrra undankvöld Söngvakeppni evrópskra sjónvarpsstöðva, Eurovision, fer fram í kvöld en útsending frá keppninni hefst klukkan 19. Ari Ólafsson, fulltrúi okkar Íslendinga, mun stíga annar á svið í Altice-tónleikahöllinni í Lissabon og flytja hina hugljúfu ballöðu Our Choice. Hér að neðan má nálgast lög hinna landanna átján sem etja kappi við Ara í kvöld um sæti í lokakeppni Eurovision á laugardagskvöldið. Ara hefur verið spáð miður góðu gengi í keppninni í ár og ekki er talið líklegt að hann verði á meðal þeirra tíu keppenda sem komast áfram á lokakvöldið. Vefsíðan Eurovisionworld spáir því að Kýpur, Ísrael, Eistland, Tékkland, Búlgaría, Grikkland, Austurríki, Litháen, Armenía og Belgía verði hlutskörpust. Í aðdraganda keppninnar hefur hin ísraelska Netta auk þess verið talin langsigurstranglegust á heildina litið. Í morgun tók Eleni Foureira, sem syngur framlag Kýpur, sér hins vegar stöðu á toppnum og þykir hún nú líklegust til sigurs í Eurovision. Þó ber að athuga að hér er aðeins um að ræða spár úr veðbönkum og því er ekkert meitlað í stein í þessum efnum.Hér að neðan má sjá framlög landanna 18 sem keppa við Ara um sæti í lokakeppninni.Fyrst á svið í kvöld er Aisel frá Aserbaídsjan. Hún flytur lagið X My Heart, fjörugt lag með kröftugum boðskap. Aisel er þó ekki spáð áfram í kvöld. Á eftir Aisel syngur Ari okkar Ólafsson Our Choice. Þriðji í röðinni er albanska rokkstjarnan Eugent Bushpepa með lagið Mall. Hún nýtur mikilla vinsælda í heimalandi sínu en ekki er gert ráð fyrir að Albanía nái upp úr undankeppninni í kvöld.Belgíska söngkonan Sennek er fjórða á svið í Lissabon í kvöld en hún syngur lagið A matter of time. Þegar þetta er ritað er Belgía í 10. sæti hjá veðbönkum og því verður spennandi að sjá hvort landið fari áfram.Fimmti í röðinni er tékkneski hjartaknúsarinn Mikolas Josef með stuðlagið Lie To Me. Josef, sem meiddist nýverið á æfingu, er talinn öruggur áfram á úrslitakvöldið.Þar á eftir kemur Litháen en söngkonan Ieva Zasimauskaite er sjötta á svið og syngur lagið When We‘re Old. Litháen tók nýlega stökk upp á við á listum veðbanka og talið er að lagið fari áfram.Sjöunda á svið er hin ísraelska Netta sem þangað til í dag trónaði á toppi helstu veðbanka Evrópu. Hún flytur lagið TOY sem mun að öllum líkindum fljúga áfram á lokakvöldið.Hvíta Rússland teflir sínu framlagi næst fram en söngvarinn Alekseev flytur Forever, áttunda lag kvöldsins. Alekseev er ekki spáð upp úr keppninni.Elina Nechayeva frá Eistlandi er níunda á svið í kvöld en henni er spáð mjög góðu gengi í keppninni og mun því líklega fljúga áfram. Nechayeva er lærð óperusöngkona en það er greinilegt þegar hlustað er á lag hennar, La Forza.Búlgaría er tíunda landið sem stígur á svið í kvöld. Hjómsveitin EQUINOX flytur lagið Bones, sem er nokkuð hressilegt, og er Búlgaríu spáð áfram upp úr undankeppninni.Makedónska dúóið Eye Cue er númer ellefu í röðinni en þau flytja lagið Lost and Found. Þau eru talin næstólíklegust til að fara áfram upp úr undankeppninni og sitja þar með einu sæti ofar en íslenska framlagið.Tólfta atriði kvöldsins er frá Króatíu. Þar stígur söngkonan Franka á stokk með lagið Crazy en henni er ekki spáð áfram á lokakvöldið.Hinn austurríski Cesár Sampson mun vera sá þrettándi til að heiðra Eurovision-sviðið í Lissbaon með nærveru sinni í kvöld. Hann flytur lagið Nobody But You og talið er að hann fari áfram.Grikkland er númer fjórtán í röðinni. Söngkonan Yianna Terzi flytur hið dramatíska Oniro Mou á grísku en laginu er spáð sæti í lokakeppninni á laugardag.Frændur okkar Finnar standa að baki fimmtánda lagi kvöldsins, Monsters í flutningi Saara Alto. Finnum er þó ekki spáð áfram frekar en okkur Íslendingum.Sextándi á svið er Sevak Khanagyan frá Armeníu með lagið Qami. Lagið er sungið á armensku og er í hópi þeirra framlaga sem búist er við að fari áfram.Sautjánda lag kvöldsins er framlag Sviss. Lagið er í flutningi ZiBBZ og heitir Stones en þegar þetta er ritað situr það í ellefta sæti hjá veðbönkum – einu sæti frá því að komast upp úr undankeppninni.Ryan O‘Shaughnessy frá Írlandi er átjándi og næstsíðastur á svið í kvöld með hið hugljúfa ástarlag Together. Laginu er ekki spáð sæti á lokakvöldinu á laugardaginn.Síðast – en bókstaflega ekki síst – er framlag Kýpur sem frá og með deginum í dag er spáð sigri í Eurovision þetta árið. Söngkonan Eleni Foureira flytur lagið sem ber heitið Fuego. Eurovision Tengdar fréttir Umboðsmaður Íslands segir Ara standa einan Einar Bárðarson segir persónutöfra Ara hans stóra leynivopn. 8. maí 2018 14:38 Júrógarðurinn: Þetta eru uppáhaldslög Gísla Marteins í ógnarsterkum riðli Íslands Ari Ólafsson stígur á sviðið í Altice höllinni í Lissabon í Portúgal í kvöld og flytur lagið lagið Our Choice í fyrri undanúrslitariðlinum. 8. maí 2018 11:45 Mest lesið „Ég trúði því aldrei að ég yrði þessi gaur“ Lífið Sonur Rögnu og Árna kominn með nafn Lífið Þetta eru keppendur Ungfrú Ísland Teen 2025 Lífið Frumsýning á Vísi: Eldgos, hamfarir og ást í kitlu fyrir Eldana Bíó og sjónvarp Stjörnulífið: Maraþon, brúðkaup og gellugallinn Lífið Hegðun Benedikts kom upp um bónorðið Lífið Skúli hannaði hof fyrir Grímu Lífið Fagurkeri selur miðbæjarperlu Lífið Kom með blóðugar tær í mark eftir heilt maraþon berfættur Lífið „Hjálpar okkur í að nýta þjónustu sem er ekki til á Íslandi í dag en ætti að vera til“ Lífið Fleiri fréttir Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Eini dagurinn sem hægt er að fara upp í Gróttuvita Krakkatía vikunnar: Menning, bangsar og líffæri Veggjadans á Hörpu og snyrtivörur úr sælgæti Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja 99 ára gömul tombóla á Borg í Grímsnesi og engin núll Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Sjá meira
Fyrra undankvöld Söngvakeppni evrópskra sjónvarpsstöðva, Eurovision, fer fram í kvöld en útsending frá keppninni hefst klukkan 19. Ari Ólafsson, fulltrúi okkar Íslendinga, mun stíga annar á svið í Altice-tónleikahöllinni í Lissabon og flytja hina hugljúfu ballöðu Our Choice. Hér að neðan má nálgast lög hinna landanna átján sem etja kappi við Ara í kvöld um sæti í lokakeppni Eurovision á laugardagskvöldið. Ara hefur verið spáð miður góðu gengi í keppninni í ár og ekki er talið líklegt að hann verði á meðal þeirra tíu keppenda sem komast áfram á lokakvöldið. Vefsíðan Eurovisionworld spáir því að Kýpur, Ísrael, Eistland, Tékkland, Búlgaría, Grikkland, Austurríki, Litháen, Armenía og Belgía verði hlutskörpust. Í aðdraganda keppninnar hefur hin ísraelska Netta auk þess verið talin langsigurstranglegust á heildina litið. Í morgun tók Eleni Foureira, sem syngur framlag Kýpur, sér hins vegar stöðu á toppnum og þykir hún nú líklegust til sigurs í Eurovision. Þó ber að athuga að hér er aðeins um að ræða spár úr veðbönkum og því er ekkert meitlað í stein í þessum efnum.Hér að neðan má sjá framlög landanna 18 sem keppa við Ara um sæti í lokakeppninni.Fyrst á svið í kvöld er Aisel frá Aserbaídsjan. Hún flytur lagið X My Heart, fjörugt lag með kröftugum boðskap. Aisel er þó ekki spáð áfram í kvöld. Á eftir Aisel syngur Ari okkar Ólafsson Our Choice. Þriðji í röðinni er albanska rokkstjarnan Eugent Bushpepa með lagið Mall. Hún nýtur mikilla vinsælda í heimalandi sínu en ekki er gert ráð fyrir að Albanía nái upp úr undankeppninni í kvöld.Belgíska söngkonan Sennek er fjórða á svið í Lissabon í kvöld en hún syngur lagið A matter of time. Þegar þetta er ritað er Belgía í 10. sæti hjá veðbönkum og því verður spennandi að sjá hvort landið fari áfram.Fimmti í röðinni er tékkneski hjartaknúsarinn Mikolas Josef með stuðlagið Lie To Me. Josef, sem meiddist nýverið á æfingu, er talinn öruggur áfram á úrslitakvöldið.Þar á eftir kemur Litháen en söngkonan Ieva Zasimauskaite er sjötta á svið og syngur lagið When We‘re Old. Litháen tók nýlega stökk upp á við á listum veðbanka og talið er að lagið fari áfram.Sjöunda á svið er hin ísraelska Netta sem þangað til í dag trónaði á toppi helstu veðbanka Evrópu. Hún flytur lagið TOY sem mun að öllum líkindum fljúga áfram á lokakvöldið.Hvíta Rússland teflir sínu framlagi næst fram en söngvarinn Alekseev flytur Forever, áttunda lag kvöldsins. Alekseev er ekki spáð upp úr keppninni.Elina Nechayeva frá Eistlandi er níunda á svið í kvöld en henni er spáð mjög góðu gengi í keppninni og mun því líklega fljúga áfram. Nechayeva er lærð óperusöngkona en það er greinilegt þegar hlustað er á lag hennar, La Forza.Búlgaría er tíunda landið sem stígur á svið í kvöld. Hjómsveitin EQUINOX flytur lagið Bones, sem er nokkuð hressilegt, og er Búlgaríu spáð áfram upp úr undankeppninni.Makedónska dúóið Eye Cue er númer ellefu í röðinni en þau flytja lagið Lost and Found. Þau eru talin næstólíklegust til að fara áfram upp úr undankeppninni og sitja þar með einu sæti ofar en íslenska framlagið.Tólfta atriði kvöldsins er frá Króatíu. Þar stígur söngkonan Franka á stokk með lagið Crazy en henni er ekki spáð áfram á lokakvöldið.Hinn austurríski Cesár Sampson mun vera sá þrettándi til að heiðra Eurovision-sviðið í Lissbaon með nærveru sinni í kvöld. Hann flytur lagið Nobody But You og talið er að hann fari áfram.Grikkland er númer fjórtán í röðinni. Söngkonan Yianna Terzi flytur hið dramatíska Oniro Mou á grísku en laginu er spáð sæti í lokakeppninni á laugardag.Frændur okkar Finnar standa að baki fimmtánda lagi kvöldsins, Monsters í flutningi Saara Alto. Finnum er þó ekki spáð áfram frekar en okkur Íslendingum.Sextándi á svið er Sevak Khanagyan frá Armeníu með lagið Qami. Lagið er sungið á armensku og er í hópi þeirra framlaga sem búist er við að fari áfram.Sautjánda lag kvöldsins er framlag Sviss. Lagið er í flutningi ZiBBZ og heitir Stones en þegar þetta er ritað situr það í ellefta sæti hjá veðbönkum – einu sæti frá því að komast upp úr undankeppninni.Ryan O‘Shaughnessy frá Írlandi er átjándi og næstsíðastur á svið í kvöld með hið hugljúfa ástarlag Together. Laginu er ekki spáð sæti á lokakvöldinu á laugardaginn.Síðast – en bókstaflega ekki síst – er framlag Kýpur sem frá og með deginum í dag er spáð sigri í Eurovision þetta árið. Söngkonan Eleni Foureira flytur lagið sem ber heitið Fuego.
Eurovision Tengdar fréttir Umboðsmaður Íslands segir Ara standa einan Einar Bárðarson segir persónutöfra Ara hans stóra leynivopn. 8. maí 2018 14:38 Júrógarðurinn: Þetta eru uppáhaldslög Gísla Marteins í ógnarsterkum riðli Íslands Ari Ólafsson stígur á sviðið í Altice höllinni í Lissabon í Portúgal í kvöld og flytur lagið lagið Our Choice í fyrri undanúrslitariðlinum. 8. maí 2018 11:45 Mest lesið „Ég trúði því aldrei að ég yrði þessi gaur“ Lífið Sonur Rögnu og Árna kominn með nafn Lífið Þetta eru keppendur Ungfrú Ísland Teen 2025 Lífið Frumsýning á Vísi: Eldgos, hamfarir og ást í kitlu fyrir Eldana Bíó og sjónvarp Stjörnulífið: Maraþon, brúðkaup og gellugallinn Lífið Hegðun Benedikts kom upp um bónorðið Lífið Skúli hannaði hof fyrir Grímu Lífið Fagurkeri selur miðbæjarperlu Lífið Kom með blóðugar tær í mark eftir heilt maraþon berfættur Lífið „Hjálpar okkur í að nýta þjónustu sem er ekki til á Íslandi í dag en ætti að vera til“ Lífið Fleiri fréttir Þetta eru keppendur Ungfrú Ísland Teen 2025 Hegðun Benedikts kom upp um bónorðið „Hjálpar okkur í að nýta þjónustu sem er ekki til á Íslandi í dag en ætti að vera til“ Fagurkeri selur miðbæjarperlu „Ég trúði því aldrei að ég yrði þessi gaur“ Sonur Rögnu og Árna kominn með nafn Stjörnulífið: Maraþon, brúðkaup og gellugallinn Myndaveisla: Vestri fékk konunglegar móttökur á Ísafirði Kom með blóðugar tær í mark eftir heilt maraþon berfættur Tóku hlé í miðju hlaupi til að halda tónleika Skúli hannaði hof fyrir Grímu Fann nýjan tilgang í kjölfar lömunar í kraftlyftingum Eyðir afmælisdegi dótturinnar í fasteignadeilur Eini dagurinn sem hægt er að fara upp í Gróttuvita Krakkatía vikunnar: Menning, bangsar og líffæri Veggjadans á Hörpu og snyrtivörur úr sælgæti Miklar tilfinningar og mikil stemning í Reykjavíkurmaraþoninu Serena Williams opnar sig um notkun þyngdarstjórnunarlyfja 99 ára gömul tombóla á Borg í Grímsnesi og engin núll Fréttatía vikunnar: Svíþjóð, sektir og vextir Bjargaði lífi systur sinnar ellefu ára gömul Níu ástæður fyrir því að stunda morgunkynlíf Bragðgóðar kalkúnabollur í kókos og límónusósu Hörður Björgvin kom Móeiði á óvart HAF-hjónin breyta vídjóleigu í bakarí Ari og Helga Lilja flytja á milli glæsihúsa í Garðabæ Mamman grét, eiginmaðurinn fraus en Veru var létt Innlit í nýtt svefnhólfahótel við Hverfisgötu Millie Bobby Brown og Bongiovi hafa ættleitt stúlku Fullkomið og fór langt fram úr væntingum Sjá meira
Umboðsmaður Íslands segir Ara standa einan Einar Bárðarson segir persónutöfra Ara hans stóra leynivopn. 8. maí 2018 14:38
Júrógarðurinn: Þetta eru uppáhaldslög Gísla Marteins í ógnarsterkum riðli Íslands Ari Ólafsson stígur á sviðið í Altice höllinni í Lissabon í Portúgal í kvöld og flytur lagið lagið Our Choice í fyrri undanúrslitariðlinum. 8. maí 2018 11:45