Erlent

Melania Trump lögð inn á sjúkrahús

Sylvía Rut Sigfúsdóttir skrifar
Melania Trump kynnti fyrr í mánuðinum herferð sína fyrir auknu netöryggi barna.
Melania Trump kynnti fyrr í mánuðinum herferð sína fyrir auknu netöryggi barna. Vísir/getty
Melania Trump forsetafrú Bandaríkjanna hefur verið lögð inn á sjúkrahús. Hún fór þar í nýrnaaðgerð fyrr í dag og mun dvelja í nokkra daga á Walter Reed National Military Medical Center. Samkvæmt frétt BBC yfirgaf Donald Trump forseti ekki Hvíta húsið á meðan aðgerð eiginkonunnar stóð. 

Samkvæmt upplýsingum frá Hvíta húsinu gekk aðgerðin vel. Stephanie Grisham talskona hennar sagði að þetta hafi verið „góðkynja“ vandamál.  

„Forsetafrúin hlakkar til að ná fullum bata svo hún geti haldið áfram störfum sínum fyrir börn alls staðar,“ sagði meðal annars í tilkynningunni.


Tengdar fréttir

Melania aftur sökuð um ritstuld

Bæklingur, sem er hluti af nýrri herferð Melaniu Trump um öryggi barna á netinu, þykir grunsamlega líkur bæklingi sem gefinn var út í stjórnartíð Baracks Obama.

Mest lesið


Fleiri fréttir

Sjá meira


×

Mest lesið