Seinni undanúrslitariðillinn verður í Altice-höllinni í Lissabon í kvöld og þar koma fram 18 þjóðir og berjast um tíu sæti.
Í Júrógarðinum í dag fær Stefán Árni til sín stóran hluta í Fókushópnum sem keppti í Söngvakeppninni fyrr í vetur.
Fókus hópurinn samanstendur af fimm söngvurum sem eru Eiríkur Þór Hafdal, Karitas Harpa Davíðsdóttir, Hrafnhildur Ýr Víglundsdóttir, Rósa Björg Ómarsdóttir og Sigurjón Örn Böðvarsson. Þau Eiríkur, Rósa og Sigurjón mættu í Júrógarðinn sem var tekinn upp í miðborg Lissabon í dag. Hópurinn kom fram á Eurocafé í gærkvöldi ásamt Ara Ólafs og Maríu Ólafs. Þar voru mörg hundruð manns mættir og kunnu margir þeirra lagið Battleline eða Aldrei gefast upp.
Umsjónarmaður þáttarins er Stefán Árni Pálsson sem er staddur út í Lissabon. Hann fær til sín góða gesti í heimsókn á hverjum degi.
Fréttastofa Vísis og Stöðvar 2 verður með ítarlega umfjöllun frá Eurovision í Lissabon. Fréttamaðurinn Stefán Árni Pálsson sér um vefþáttinn Júrógarðinn og aðra umfjöllun hér á Vísi og í fréttum Stöðvar 2 á hverjum degi í gegnum alla keppnina.
Júrógarðurinn: Fókus hópurinn mætti og tók lagið í Lissabon
Tengdar fréttir
Júrógarðurinn: Sérfræðingar spá í spilin
Ari Ólafsson kemur fram á dómararennslinu í Eurovision í Lissabon í kvöld en hann gekk bláa dregilinn við MAAT listasafnið í borginni í gær og síðan er komið að stóru stundinni annað kvöld.
Júrógarðurinn: Þetta eru uppáhaldslög Gísla Marteins í ógnarsterkum riðli Íslands
Ari Ólafsson stígur á sviðið í Altice höllinni í Lissabon í Portúgal í kvöld og flytur lagið lagið Our Choice í fyrri undanúrslitariðlinum.
Júrógarðurinn: Hvernig kemst Ísland áfram í Eurovision?
Ari Ólafsson komst ekki áfram í Eurovision en hann kom fram í Altice höllinni í Lissabon í Portúgal í gær og flutti lagið Our Choice í fyrri undanúrslitariðlinum.
Júrógarðurinn: Íslenski hópurinn eltur af leynilögreglumönnum
Ari Ólafsson kemur fram á fyrra undanúrslitakvöldinu í Eurovision í Lissabon á þriðjudagskvöldið. Þá mun hann flytja lagið Our Choice og kemur hann fram annar í röðinni.
