Sara Björk ekki með á móti Slóveníu: Frá í fimm til sex vikur

Freyr Alexandersson, þjálfari íslenska kvennalandsliðsins í fótbolta, hefur valið hópinn fyrir leik á móti Slóveníu í undankeppni HM 2019 en leikurinn við slóvensku stelpurnar fer fram á Laugardalsvellinum 11. júní næstkomandi.

Sara Björk Gunnarsdóttir, fyrirliði íslenska landsliðsins, verður ekki með í leiknum. „Mjög slæmt að missa Söru,“ sagði Freyr á fundinum.

Sara Björk meiddist á hásin í úrslitaleik Meistaradeildarinnar á dögunum og varð að yfirgefa völlinn eftir tæpan klukkutíma leik.

Nú er komið í ljós að það er rifa í hásininni og að hún verður frá í fimm til sex vikur.  

Freyr valdi 21 leikmann í hópinn að þessu sinni en ekki 20 leikmenn eins og hann er vanur. Óvissa í kringum meiðsli Rakelar Hönnudóttur kallar á auka leikmann.

Berglind Björg Þorvaldsdóttir kemur aftur inn í íslenska hópinn sem og Arna Sif Ásgrímsdóttir. Þær hafa byrjað tímabilið vel í Pepsi-deildinni. Anna Rakel Pétursdóttir kemur líka inn í hópinn en Hlín Eiríksdóttir mun hinsvegar einbeita sér að verkefni með 19 ára landsliðinu.

Íslensku stelpurnar eru í öðru sæti í riðlinum en komast upp í toppsætið með sigri. Lokaleikir riðlakeppninnar eru síðan í haust en íslenska liðið spilar þrjá síðustu leiki sína á heimavelli.

Ísland vann 2-0 sigur úti í Slóveníu í fyrri leik liðanna en mörkin í leiknum skoruðu þær Gunnhildur Yrsa Jónsdóttir og Rakel Hönnudóttir. Íslenska liðið er enn taplaust í riðlinum með fjóra sigri og eitt jafntefli í fimm leikjum.

Íslenski hópurinn á móti Slóveníu:

Our squad for the @FIFAWWC qualifier against Slovenia on June 11.#dottirpic.twitter.com/O8D83rzEi8

— Knattspyrnusambandið (@footballiceland) May 28, 2018

Markmenn                             

Guðbjörg Gunnarsdóttir, Djurgarden

Sandra Sigurðardóttir, Valur

Sonný Lára Þráinsdóttir, Breiðablik

                              

Varnarmenn     

Anna Rakel Pétursdóttir, Þór/KA

Hallbera Guðný Gísladóttir, Valur

Glódís Perla Viggósdóttir, FC Rosengard

Ingibjörg Sigurðardóttir, Djurgarden

Sif Atladóttir, Kristianstad

Anna Björk Kristjánsdóttir, LB07

Arna Sif Ásgrímsdóttir, Þór/KA

                              

Miðjumenn

Sandra María Jessen, Þór/KA

Sigríður Lára Garðarsdóttir, ÍBV

Selma Sól Magnúsdóttir, Breiðablik

Gunnhildur Yrsa Jónsdóttir, Utah Royals    

Rakel Hönnudóttir, LB07

Svava Rós Guðmundsdóttir, Röa

                        

Sóknarmenn       

Fanndís Friðriksdóttir, Marseille

Berglind Björg Þorvaldsdóttir, Breiðablik

Elín Metta Jensen, Valur

Harpa Þorsteinsdóttir, Stjarnan

Agla María Albertsdóttir, Breiðablik