Íslenskar stelpur æfa undir fyrrum Ólympíumeistara

Skautafélagið Björninn og Skautafélag Akureyrar stóðu að æfingabúðum fyrir stúlkur á aldrinum 7-20 ára. Æfingabúðunum lýkur á morgun með sýningu byggða á kvikmyndinni The Greatest Showman.

Meðal þjálfaranna var fyrrum gullverðlaunahafi á Ólympíuleikum, Adelina Sotnikova, sem hóf að æfa listdans á skautum aðeins fjögurra ára.

Matthildur og Hera, 12 ára, eru á meðal þeirra sem eru í æfingabúðunum og segjast ánægðar með framfarir sínar.

„Ég náði nýju stökki sem er alveg frekar erfitt, sem heitir double Axel, þar sem maður snýr tvo og hálfan hring,“ sagði Matthildur við Júlíönu Þóru Hálfdánardóttur í kvöldfréttum Stöðvar 2 í kvöld.

Innslagið úr kvöldfréttunum má sjá með fréttinni.