Selma Sól skaut Blikum á toppinn og Pála bjargaði stigi fyrir Val á Selfossi

Breiðablik er komið á toppinn í Pepsi-deild kvenna eftir 1-0 sigur á Stjörnunni og Valur bjargaði stigi gegn Selfoss á útivelli.

Selma Sól Magnúsdóttir skoraði sigurmark Blika á 28. mínútu en það reyndist eina mark leiksins. Blikarnir á toppnum með 27 stig en Stjarnan í því fjórða með sextán stig.

Selfoss og Valur gerðu 1-1 jafntefli fyrir austan. Erna Guðjónsdóttir kom Selfyssingum yfir á 34. mínútu en Pála Marie Einarsdóttir jafnaði metin þremur mínútum fyrir leikslok.

Valur er í þriðja sæti deildarinnar og er að missa af lestinni. Þær hafa einungis fengið tvö stig af síðustu níu og eru nú sjö stigum frá toppnum.

Selfyssingar eru í sjöunda sætinu, með jafn mörg stig og Grindavík, þremur stigum fyrir ofan fallsæti.

Úrslit og markaskorar eru fengnir frá úrslit.net.