Svarar gagn­rýnis­röddum eftir að hafa gefið Ari­önu Grande slökkvi­liðs­merki föður síns

Pete Davidson, unnusti Ariönu Grande, var gagnrýndur á Instagram-síðu sinni eftir að hafa gefið unnustu sinni hálsmenn með slökkviliðsmerki föður síns. Faðir Davidson lést í hryðjuverkaárásunum þann 11. september 2001 þegar hann var við björgunarstörf.

Davidson og Grande trúlofuðu sig í júní síðastliðnum og hafa ekki farið leynt með ást sína á samfélagsmiðlum. Davidson birti mynd af unnustu sinni með hálsmenið á Instagram-síðu sinni um helgina.

Sjá einnig: Staðfesti orðróminn um trúlofunina

 

A post shared by Pete Davidson (@petedavidson) on Jul 13, 2018 at 9:45pm PDT

Meðal ummæla sem Davidson fékk voru að þetta væri virðingarleysi og sagði einn notandi: „Engin stúlka ætti að vera með keðju föður þíns. Tillitsleysi.“

 

A post shared by ariana grande & pete davidson (@peteandariana) on Jul 13, 2018 at 10:26pm PDT

Davidson svaraði ummælunum og sagði Grande ekki vera bara „einhverja stelpu“. Hún væri unnusta sín og jafnframt besta manneskja sem hann þekkti.

„Ég gaf henni hálsmenið því hún á hjartað mitt og þetta er það verðmætasta sem ég á. Pabbi minn væri hamingjusamur og myndi elska hana.“, svaraði Davidson.