Sara Björk mætir Atletico Madrid

Dregið var í 16-liða úrslit Meistaradeildar Evrópu kvenna í dag. Sara Björk Gunnarsdóttir fer til Spánar, Glódís Perla Viggósdóttir mætir Slavia Prag og Sigríður Lára Garðarsdóttir fékk Norðurlandaslag.

Sara Björk Gunnarsdóttir og stöllur í þýska meistaraliðinu Wolfsburg unnu Þór/KA heima og að heiman í síðustu umferð. Þær fá spænska liðið Atletico Madrid í heimsókn um miðjan mánuð þegar fyrri leikurinn fer fram.

Sænsku meistararnir í Rosengård með Glódísi Perlu Viggósdóttur innanborðs drógust gegn Slavia Prag og fá fyrri leikinn á heimavelli. Norska liðið Lilleström mætir danska liðinu Bröndby í Norðurlandaslag. Eyjakonan Sigríður Lára Garðarsdóttir leikur með Lilleström.

María Þórisdóttir og lið Chelsea dróst gegn ítalska liðinu Fiorentina og sigurvegarar keppninnar á síðasta ári Lyon mæta Ajax.

Fyrri leikirnir fara fram 17. og 18. október, þeir seinni 31. október og 1. nóvember.

#UWCL round of 16 draw in full!

Ties 17/18 October & 31 October/1 November

Which is the tie of the round? pic.twitter.com/PfNCWbZH36

— #UWCL (@UWCL) October 1, 2018