Reyndi að myrða son sinn með keðjusög en varð fyrir sláttuvél

Bandarískur karlmaður á áttræðisaldri er í haldi lögreglu í Tennessee-ríki eftir að hann reyndi að myrða son sinn með keðjusög í júní. Fjarlægja þurfti fótlegg mannsins með skurðaðgerð í kjölfar átakanna. Lögregla gat ekki lagt fram ákæru á hendur Ferguson fyrr en á þriðjudag sökum meiðsla hans.

Samkvæmt upplýsingum frá lögreglu í Sullivan-sýslu í Tennessee var tilkynnt um atvikið þann 28. júní síðastliðinn. Þegar lögregla kom á vettvang fann hún Ferguson liggjandi í blóði sínu. Rannsókn á málinu leiddi í ljós að sonur Ferguson hafi verið að slá garðinn þegar faðir hans réðst að honum með keðjusöginni, sem var í gangi.

Feðgarnir virðast hafa eldað grátt silfur saman um nokkurt skeið, að því er fram kemur í umfjöllun um málið. Ferguson hefur verið ákærður fyrir tilraun til manndráps og brot á skilorði.