Vann leik í World Series og gaf svo heimilislausum að borða

Mookie Betts, leikmaður hafnaboltaliðsins Boston Red Sox, er ekki bara góður íþróttamaður heldur hefur hann líka hjarta úr gulli.

Hann er lykilmaður hjá Red Sox sem er komið í 2-0 í úrslitaeinvígi MLB-deildarinnar, World Series.

Nokkrum tímum eftir annan leikinn gegn LA Dodgers sást til Betts í miðbæ Boston þar sem hann var að bera heita matarbakka í heimilislausa í skítakulda.

Little birdie told me an amazing story. This was the scene last night around 1am out in front of the Boston Library. Trays and trays of food fed the homeless. The man that delivered the food wasn’t looking for attention or praise BUT deserves it. God Bless you Mookie Betts pic.twitter.com/4Ox7O0edo4

— Lou Merloni (@LouMerloni) October 25, 2018

Þetta er ekki í fyrsta sinn sem Betts kemst í fréttirnar fyrir að hlúa að þeim sem minna mega sín en hann reynir helst að láta lítið á því bera.

Betts er ekki að þessu fyrir athyglina og því ansi líklegt að hann hafi gert mikið af slíku í gegnum tíðina án þess að það hafi endað í fjölmiðlum.